Aktyorluq Kursları və Təlim Proqramı

Beş istiqamət üzrə modul proqram: aktyor ustalığı, səhnə nitqi, improvizasiya, kamera qarşısında iş və dublyaj.

Akademiyanın tədris proqramı beş moduldan ibarətdir. Kamera qarşısında aktyorluq (32 dərs) kadr ölçüləri, baxış istiqaməti və dublların eyni saxlanması üzərində qurulub. Teatr və səhnə ustalığı (48 dərs) klassik aktyor məktəbinin təməlidir: etüd, improvizasiya, rol təhlili və tamaşa hazırlığı.

İmprovizasiya modulu (16 dərs) səhnədə sərbəstlik və partnyorla ani reaksiya bacarığı üçündür. Səs, nitq və dublyaj (24 dərs) nəfəs dayağı, diksiya, tempin idarəsi və mikrofon qarşısında işi əhatə edir. Uşaq qrupu (40 dərs) 7-13 yaş üçün oyun formasında qurulub.

Dərslər adətən həftədə iki dəfə keçirilir; dərsin müddəti kursa görə 60 dəqiqədən (uşaq qrupu) 2 saata qədərdir. Qrup ölçüsü məhdudlaşdırılıb ki, müəllim hər tələbə ilə fərdi işləyə bilsin. Qiymət paketləri aylıq əsasda hesablanır; ödəniş ofisdə həyata keçirilir, saytda onlayn kart ödənişi yoxdur.

Hansı qrupun sizə uyğun olduğunu bilmək üçün müraciət formasını doldurun və ya +994 55 957 89 99 nömrəsinə zəng edin — cədvəl və qiymət barədə sizinlə əlaqə saxlayacağıq.